ரணிலை காட்டிக்கொடுக்க மாட்டேன்!– ஜனாதிபதி

தான் ஒரு போதும் ஐக்கிய தேசிய கட்சி தலைவர் ரணில் விக்ரமசிங்கவை காட்டிக்கொடுக்க மாட்டேன் என ஜனாதிபதி மைத்திரிபால சிறிசேன தெரிவித்துள்ளார்.
முக்கிய அமைச்சர் ஒருவருக்கு தொலைபேசி அழைப்பை ஏற்படுத்தி ஜனாதிபதி இவ்வாறு தெரிவித்துள்ளார் என ஆங்கில ஊடகமொன்று செய்தி வெளியிட்டுள்ளது.

முன்னாள் ஜனாதிபதி மகிந்த ராஜபக்சவுடன் இடம்பெறவுள்ள சந்திப்பின் போது தன்னை ஜனாதிபதியாக தெரிவு செய்த ஐக்கிய தேசியக் கட்சி உட்பட மக்களை ஒரு போதும் காட்டிக் கொடுக்க மாட்டேன் என அவர் குறிப்பிட்டுள்ளார்.

இதுதொடாபில் பலர் பல்வேறு விதமாக வெளியிட்டு வரும் கருத்துக்களை முற்று முழுதாக நிராகரிப்பதாக ஜனாதிபதி மைத்திரிபால சிறிசேன கூறியுள்ளார்.

ராஜபக்ச ஆட்சியில் பொது மக்கள் சொத்துக்களை கொள்ளையிட்ட ஒருவருக்கும் தன்னிடமிருந்து ஆதரவு வழங்கப்படாதென ஜனாதிபதி மேலும் குறிப்பிட்டுள்ளார்.