பெயருக்காக வாழும் தலைவன் அல்ல நான்: மகிந்த சூளுரை

நாட்டின் நன்மைக்காகவும் வளர்ச்சிக்காகவும் செயற்படும் தலைவர் கோபம், வைராக்கியத்துடன் செயற்பட கூடாதென முன்னாள் ஜனாதிபதி மகிந்த ராஜபக்ச தெரிவித்துள்ளார்.
பெலியத்த பிரதேச விகாரையில் நேற்று இடம்பெற்ற நிகழ்வொன்றில் கலந்துக்கொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

நம் நாட்டின் எதிர்கால சந்ததிகளுக்கு நன்மையான வழிகளை கற்பிக்க வேண்டும் என அவர் கூறியுள்ளார்.

பௌர்ணமி தினத்திலும் சிலர் விகாரைக்கு செல்வதில்லை.

புனித ஸ்தலங்களுக்கு நாங்களே செல்வதில்லை என்றால் நமது பிள்ளைகளும் செல்லமாட்டார்கள்.

இந்நிலையினை மாற்றுவதற்கு உடனடியாக நடவடிக்கைகள் மேற்கொள்ள வேண்டும்.

மேலும் நம் நாட்டின் அபிவிருத்தி திடீரென வீழ்ச்சியை கண்டுள்ளது.

இதற்கான மாற்று வழியையும் நாம் யோசிக்க வேண்டும்.

இதேவேளை மகிந்தோதய என்ற பெயர் பலகையை அகற்றிவிட்டால் மாத்திரம் பொது மக்கள் மனதில் இருந்து மகிந்த என்ற எனது பெயரை அழித்துவிட முடியாது.

நான் பெயருக்காக மாத்திரம் செயற்படுபவன் இல்லை என அவர் மேலும் குறிப்பிட்டுள்ளார்.