நேபாளத்தில் 50 மணி நேரமாக மண்ணில் புதைந்திருந்த பெண்: உயிருடன் மீட்ட இந்திய குழு

நேபாள நிலநடுக்கத்தில் 50 மணி நேரமாக மண்ணில் புதைந்திருந்த பெண்ணை இந்திய பேரிடர் மீட்புக் குழுவினர் உயிருடன் மீட்டுள்ளனர்.
நேபாளத்தில் கடந்த சனிக்கிழமை ஏற்பட்ட பயங்கர நிலநடுக்கத்தில் தலைநகர் காத்மாண்டுவில் தரைமட்டமான ஒரு வீட்டின் அடியில் பெண் ஒருவர் சிக்கித் தவித்துள்ளார்.

இந்நிலையில் அங்கு மீட்பு பணியில் ஈடுபட்டுள்ள இந்திய பேரிடர் மீட்புப் படையினர், தரைமட்டமா ஒரு வீட்டின் சிதிலங்களுக்கு மத்தியில், அந்த பெண்ணின் முனகல் சத்தத்தை கேட்டுள்ளனர்.

இதையடுத்து அவர் மீது குவிந்துக் கிடந்த கட்டிட இடிபாடுகளை எல்லாம் அகற்றி அவரை உயிருடன் மீட்டு, காத்மாண்டுவில் உள்ள மருத்துவமனையில் அனுமதித்துள்ளனர்.

மேலும், சுமார் 50 மணி நேரமாக உணவு, தண்ணீர் இல்லாமல் மர்றும் சீரான சுவாசத்துக்கு வழியின்றி சிக்கியிருந்த அந்த பெண் மீட்புப் படையினரின் கேள்விகளுக்கு சுயநினைவுடன் பதிலளித்தது பெரும் ஆச்சர்யத்தை ஏற்படுத்தியுள்ளது.