அனுமதி பத்திரம் இல்லாமல் மரப்பலகை கொண்டு சென்ற நபர் கைது!

கண்டியில் இருந்து அனுமதிப்பத்திரம் இல்லாமல் தலவாக்கலை நகரிற்கு சபு மரப்பலகைகளை கொண்டு சென்ற நபர் ஒருவர் கைது செய்யப்பட்டுள்ளார்.
நேற்று இரவு நாவலப்பிட்டி தலவாக்கலை பிரதான வீதியில் பத்தனை சந்தியில் வைத்து குறித்த டிப்பர் லொறியை திம்புள்ள பத்தனை பொலிசார் கைப்பற்றியுள்ளனர்.

குறித்த வண்டியை சோதனையிட்ட போதே அனுமதி பத்திரம் இல்லாமல் மரப்பலகைகள் கொண்டு செல்லப்பட்டமை தெரியவந்தது.

கைப்பற்றப்பட்ட மரப்பலகைகளின் பெறுமதி 10 இலட்சம் ரூபாய் ஆகும்.

இதனையடுத்து லொறியின் சாரதியை சந்தேகத்தின் பேரில் திம்புள்ள பத்தனை பொலிஸார் கைது செய்துள்ளனர்.

கைது செய்யப்பட்டுள்ள சந்தேக நபரையும் லொறியையும் இன்று ஹற்றன் நீதிமன்றத்தில்ஆஜர்ப்படுத்த நடவடிக்கை எடுத்திருப்பதாக பொலிஸார் தெரிவித்துள்ளனர்.