இரு சட்டமூலங்கள் மீதான மனு விசாரணை ஒத்திவைப்பு

தகவல் அறிந்து கொள்ளும் சட்டமூலம் மற்றும் கணக்காய்வாளர் சட்டமூலம் ஆகியவற்றுக்கு எதிராக தாக்கல் செய்துள்ள மனு மீதான விசாரணை ஒத்திவைக்கப்பட்டுள்ளது.
சட்டமூலங்களை ஆராய்வதற்கென பிரதம நீதியரசர் கே.ஸ்ரீபவன், நீதிபதிகளான ரோஹன ரணசிங்க, பிரியந்த ஜயவர்தன ஆகியோர் கொண்ட நீதிபதிகள் குழு அமைக்கப்பட்டுள்ளது.

எனினும் 19வது திருத்தச் சட்டமூலம் தொடர்பான விவாதம் இன்றும் நாளையும் பாராளுமன்றில் இடம்பெறுவதினால் இந்த மனு மீதான விசாரணைகள் ஒத்திவைக்கப்பட்டுள்ளதாக உயர் நீதிமன்றம் அறிவித்துள்ளது.

அதனால் எதிர்வரும் நாள் ஒன்றில் மனு மீதான விசாரணை இடம்பெறும் எனவும், உயர் நீதிமன்றம் அதற்கான திகதியை அறிவிக்கும் எனவும் நம்பத்தகுந்த வட்டாரங்கள் குறிப்பிட்டுள்ளன.