எட்டு ஆண்டுகளுக்கு முன்பு காணாமல்போன இலங்கைப் பெண் வேலூர் முகாமில்!

எட்டு ஆண்டுகளுக்கு முன்பு காணாமல் போன முல்லைத்தீவைச் சேர்ந்த இளம்பெண் ஒருவர் வேலூர் அகதி முகாமில் கண்டுபிடிக்கப்பட்டுள்ளார்.
தனது மகளைக் காணவில்லையென முல்லைத்தீவைச் சேர்ந்த ஒருவர் செஞ்சிலுவை சங்கத்தில் கொடுத்த முறைப்பாட்டிற்கமைய குறித்த பெண் கண்டுபிடிக்கப்பட்டுள்ளார்.

குறித்த பெண்ணைத் தேடும் பணியில் செஞ்சிலுவைச் சங்கத்தினர் ஈடுபட்டு, தமிழகத்தில் வேலூர் மாவட்டம் வாலாஜா, அணைக்கட்டு அகதிகள் முகாமை பார்வையிட்டுள்ளனர்.

மேலும், பொலிஸ் மற்றும் வருவாய்த்துறை அதிகாரிகளுடன் காணாமல்போன இளம் பெண்ணை பற்றி விசாரித்துள்ளனர்.

இந்நிலையில் தற்போது அந்த பெண் அணைக்கட்டு அகதி முகாமில் இருந்ததை கண்டுபிடித்துள்ளனர்.

பின்னர் வேலூர் சங்க செயலர் இந்தர்நாத் அந்த பெண்ணிடம் அவரது தந்தை எழுதிய கடிதத்தை வழங்கியுள்ளார்.

இதைதொடர்ந்து அந்த பெண்ணை 8 ஆண்டுகளுக்கு பிறகு அவரது குடும்பத்தினருடன் சேர்த்து வைத்துள்ளனர்.