கிளிநொச்சியில் ஹலோ ட்ரஸ்ட் நிறுவன ஊழியா்கள் ஆர்ப்பாட்டம்

கிளிநொச்சியில் ஹலோ ட்ரஸ்ட் கண்ணிவெடி அகற்றும் நிறுவனத்தில் பணியாற்றிய நூற்றுக்கணக்கான ஊழியா்கள் ஆர்ப்பாட்டத்தில் ஈடுப்பட்டுள்ளனர்.
இவர்கள் இன்றைய தினம் ஆர்ப்பாட்டத்தில் ஈடுப்பட்டு வருவதாக தெரிவிக்கப்படுகின்றது.

கண்ணி வெடி அகற்றும் பணிகளில் ஈடுபட்டு வந்த பணியாளர்களில் 200 பணியாளர்களைத் தவிர ஏனைய 450 பணியாளர்கள் நிதியின்மையால் வேலையில் இருந்து நிறுத்தப்படவுள்ளதாக ஹலோ ட்ரஸ்ட் நிறுவனம் அறிவித்துள்ளது.

இந்நிலையிலேயே குறித்த பணியாளர்கள் இன்று நிறுவனத்திற்கு முன் அமைதியான முறையில் ஆர்ப்பாட்டத்தில் ஈடுபட்டுள்ளனர்.

நிறுவனத்தில் தற்போது காணப்படுகின்ற நிதியை கொண்டு அனைத்து ஊழியர்களுக்கும் சம காலத்தில் வேலை வாய்ப்பை வழங்க வேண்டும் என ஆர்ப்பாட்டக்காரர்கள் கோரிக்கை முன்வைத்து போராட்டம் நடத்தி வருகின்றனர்.