உலக ஆண் ஓரினச் சேர்க்கையாளர் அழகு போட்டி: மிரட்டலால் பின்வாங்கிய இந்திய மொடல்

உலக ஆண் ஓரினச் சேர்க்கையாளர் போட்டியில் பங்கேற்க சென்ற கேரள வாலிபர் மிரட்டலுக்கு பயந்து போட்டியில் இருந்து வெளியேறியுள்ளார்.
உலகம் முழுவதும் கடந்த 2009-ம் ஆண்டிலிருந்து ஓரினச் சேர்க்கையாளர்களுக்கான Mr Gay World " போட்டிகள் நடத்தப்பட்டு வருகின்றது.

"Mr Gay World -2015" போட்டி தென்னாப்பிரிக்காவில் உள்ள கிரிஸ்னா நகரில் வரும் 26ம் திகதி தொடங்கவுள்ளது.

இந்தப் போட்டியில் 20 நாடுகளை சேர்ந்த ஆண் ஓரினச் சேர்க்கையாளரகள் பங்கேற்க உள்ளனர்.

இதில் அவுஸ்திரேலியாவின் பிர்ஸ்பேனில் உள்ள கேரளாவைச் சேர்ந்த Thahir Mohammed Sayyed என்ற பகுதிநேர மொடல் பங்கேற்க இருந்துள்ளார்.

இந்நிலையில் கொச்சியில் உள்ள அவரது பெற்றோர்களுக்கு உள்ளூரில் இருந்து ஏராளமான மிரட்டல்கள் வரத்தொடங்கின.

அவர்கள் குடும்பத்தை ஊரைவிட்டும், மதத்தை விட்டும் ஒதுக்கி வைத்து விடுவோம் எனவும் சிலர் மிரட்டியதாக செய்திகள் வெளியாகியுள்ளது.

இதையடுத்து இந்த போட்டியில் பங்கேற்பதாக இருந்த கேரள வாலிபர் Thahir Mohammed Sayyed போட்டியில் இருந்து வெளியேறிவிட்டதாக போட்டியை நடத்தும் அமைப்பு தெரிவித்துள்ளது.