ரக்னா லங்கா நிறுவனத்தின் முன்னாள் பிரதானி கைது செய்யப்பட உள்ளார்!

ராஜபக்ச ஆட்சிக்காலத்தில் ஸ்தாபிக்கப்பட்ட ரக்னா லங்கா பாதுகாப்பு நிறுவனத்தில் இடம்பெற்றதாக கூறப்படும் பாரிய நிதி மோசடிகள் சம்பந்தமான நடைபெற்று வரும் விசாரணைகளுக்கு அமைய அந்த நிறுவனத்தின் முன்னாள் பிரதானி ஒருவர் அடுத்த சில தினங்களில் கைது செய்யப்பட உள்ளதாக தெரியவருகிறது.
இது தொடர்பான ஆரம்பகட்ட விசாரணைகள் ஏற்கனவே பூர்த்தியாகியுள்ளது. சட்டமா அதிபரின் ஆலோசனைக்கு அமைய இந்த கைது நடவடிக்கை மேற்கொள்ளப்படும் என தகவல்கள் தெரிவிக்கின்றன.

அதேவேளை ரக்னா லங்கா பாதுகாப்பு நிறுவனத்தின் பணிப்பாளர் சபையை ஜனாதிபதி மைத்திரிபால சிறிசேன நேற்று மாற்றினார் என்பது குறிப்பிடத்தக்கது.

ரக்னா லங்கா பாதுகாப்பு நிறுவனத்தின் பாதுகாவலர்கள் முன்னாள் பாதுகாப்புச் செயலாளர் கோத்தபாய ராஜபக்சவின் துணை இராணுவ குழு போல் செயற்பட்டதாக கடந்த காலங்களில் குற்றம் சுமத்தப்பட்டது.