பசில் ராஜபக்ச நாட்டை வந்தடைந்தார் - பெரும் எண்ணிக்கையிலான மக்கள் விமான நிலையத்திற்கு வெளியில்

முன்னாள் பொருளாதார அபிவிருத்தி அமைச்சர் பசில் ராஜபக்ச இலங்கை வந்தடைந்துள்ளார்.

1.35 இற்கு பசில் இலங்கை வந்தடையலாம்!

விசாரணைகளுக்கு முகங்கொடுக்கும் பொருட்டு முன்னாள் பொருளாதார அபிவிருத்தி அமைச்சர் பஷில் ராஜபக்ச இன்று இலங்கையை வந்தடையவுள்ளார்.

அவர் டுபாயிலிருந்து எமிரேட்ஸ் விமான சேவைக்குச் சொந்தமான ஈ.கே. 348 விமானத்தில் இலங்கை நோக்கி புறப்பட்டுள்ளதாக ஆங்கில இணையத்தளம் ஒன்று செய்தி வெளியிட்டுள்ளது.

மேலும் அவர் இன்று பிற்பகல் 1.35 மணியளவில் கட்டுநாயக்க விமான நிலையத்தை வந்தடைவார் என எதிர்ப்பார்க்கப்படுகின்றது.

அவரை வரவேற்பதற்கு வெளியாட்களுக்கு அனுமதி வழங்கப்படவில்லை எனவும் தெரிவிக்கப்படுகின்றது.

பசில் ராஜபக்ச நாட்டை வந்தடைந்தார்

முன்னாள் பொருளாதார அபிவிருத்தி அமைச்சர் பசில் ராஜபக்ச இலங்கை வந்தடைந்துள்ளார்.

சற்று முன்னர் கட்டுநாயக்க பண்டாரநாயக்க சர்வதேச விமான நிலையத்தை சென்றடைந்துள்ளார்.

லண்டன் மற்றும் டுபாய் வழியாக அவர் இலங்கையை வந்தடைந்துள்ளார்.

பெரும் எண்ணிக்கையிலான மக்கள் விமான நிலையத்திற்கு வெளியில் காத்திருப்பதாகத் தெரிவிக்கப்படுகிறது.

விமான நிலையத்தின் பாதுகாப்பு ஏற்பாடுகள் பலப்படுத்தப்பட்டுள்ளன.

பசில் ராஜபக்ஸ நாட்டை வந்தடைந்தவுடன் கைது செய்யுமாறு நீதிமன்றம் உத்தரவிட்டிருந்தமை குறிப்பிடத்தக்கது.