அக்கரப்பத்தனையில் 35 பயனாளிகளுக்கு தனித்தனி வீடுகள்

அக்கரப்பத்தனையிலுள்ள இரு வேறு தோட்ட மக்களுக்கு தனித்தனி வீடுகளை நிர்மாணிப்பதற்கு நடவடிக்கை எடுக்கப்பட்டுள்ளது.
இவ்வீடுகளை நிர்மாணிப்பதற்கான அடிக்கல் நாட்டு விழா இன்று நடைபெற்றுள்ளது.

இதன்படி டொரிங்டன் தோட்டத்தில் மண்சரிவினால் பாதிக்கப்பட்ட 23 பயனாளிகளுக்கும், ஆட்லோ தோட்டத்தில் தீ விபத்தினால் பாதிக்கப்பட்ட 12 பயனாளிகளுக்குமே இவ்வீடுகள் நிர்மாணித்து வழங்கப்படவுள்ளன.

ஜனாதிபதி தலைமையிலான அரசாங்கத்தின் 100 நாள் வேலைத்திட்டத்தின் கீழே இந்நிர்மாண பணிகள் முன்னெடுக்கப்படவுள்ளன.

இவ்வைபவத்தில் கல்வி இராஜாங்க அமைச்சர் இராதாகிருஸ்ணன், மத்திய மாகாண சபை உறுப்பினர் சோ.ஸ்ரீதரன், மனித வள அபிவிருத்தி நிதியத்தின் தலைவர் புத்திரசிகாமணி ஆகியோர் கலந்து கொண்டனர்.