காட்டு யானை இருமுறை புரட்டியெடுத்தும் உயிர்தப்பிய அதிஷ்டசாலி

மேற்குவங்க மாநிலத்தில் ஊருக்குள் புகுந்த காட்டு யானையால் பலமாக தாக்கப்பட்டும் நபர் ஒருவர் அதிர்ஷ்டவசமாக உயிர் தப்பியுள்ளார்.
முர்ஷிதாபாத் மாவட்டத்தில் ஒரு கிராமத்தில் கடந்த வியாழனன்று 3 காட்டு யானைகள் உள்ளே புகுந்துள்ளன.

அப்போது அவற்றை விரட்ட கிராம மக்கள் முயன்ற போது அவை ஊரை விட்டு வெளியேறாமல் அங்குள்ள வயலுக்குள் நுழைந்துள்ளது.

வயலில் நின்று கொண்டிருந்த ராய்முல் ஷெய்க் என்பவரை யானை ஒன்று இரு முறை புரட்டியெடுத்துள்ளது.

முதல் முறை அவரை முட்டித்தள்ளிய யானை, 2வது முறை வேகமாக முட்டி தள்ளியுள்ளது.

இதில் பல அடி தூரம் பறந்து சென்ற ராய்முல், அதிர்ஷ்டவசமாக உயிர் தப்பியுள்ளார்.

பின்னர் இவ்வாறு தாக்குதலுக்கு உள்ளானது குறித்து ராய்முல் கூறுகையில், யானைக்கு அருகே ஆபத்தான நிலையில் நான் எப்படி நின்றேன் என என்னால் உணரமுடியவில்லை.

எனினும் கடவுளின் கருணையால் எப்படியோ நான் உயிர் தப்பினேன் என்று தெரிவித்துள்ளார். மேலும், இந்த சம்பவம் வீடியோவாக பதிவு செய்யப்பட்டுள்ளது.