மாணவர்களுக்கும் பொலிசாருக்கும் இடையில் முறுகல்: மூவர் காயம்

கம்பஹா- யக்கல பிரதேசத்தில் மாணவர்களுக்கும் பொலிசாருக்கும் இடையில் ஏற்பட்ட முறுகல் நிலை காரணமாக மூவர் காயமடைந்துள்ளனர்.
யக்கல விக்கிரமசிங்க ஆராய்ச்சி மருத்துவக் கல்லூரி, பீடாதிபதியின் நியமனத்துக்கு எதிர்ப்பை வெளிக்காட்டும் வகையில் இன்று காலை மாணவர்கள் ஆர்ப்பாட்டத்தில் ஈடுபட தீர்மானித்து, இதற்காக மேடைகளை அமைக்க முற்பட்டுள்ளனர்.

அச்சந்தர்ப்பத்தில் கடமையில் இருந்த பொலிசார் மாணவர்கள் மீது தாக்குதலை மேற்கொண்டதாக ஆர்ப்பாட்டத்தில் ஈடுப்படவிருந்த மாணவர்கள் குற்றம் சுமத்தியுள்ளனர்.

எனினும் இக்குற்றச்சாட்டுக்கும் தமக்கும் எவ்வித தொடர்பும் இல்லையென பொலிசார் முழுமையாக மறுப்பு தெரிவித்துள்ளனர்.