குளவி தாக்குதல்: 9 பேர் வைத்தியசாலையில்

ஹற்றன் - நுவரெலியா பிரதான வீதியின் கொட்டகலை பிரதேசத்தில் உணவருந்திக் கொண்டிருந்த சிலர் மீது குளவி தாக்கியதால் 9 பேர் வைத்தியசாலையில் அனுமதிக்கப்பட்டுள்ளனர்.
நேற்று பிற்பகல் கொட்டகலை வைத்தியசாலைக்கு அருகில் இச்சம்பவம் இடம்பெற்றுள்ளது.

ஜா- எல பிரதேசத்தை சேர்ந்தவர்கள் சிலர் நுவரெலியா வசந்த கால நிகழ்வுகளை கண்டுகளிக்க வந்திருந்த போதே இவர்கள் மீது குளவிகள் தாக்கியுள்ளது.

சம்பவத்தில் காயமடைந்தவர்கள் கொட்டகலை வைத்தியசாலையில் அனுமதிக்கப்பட்டு சிகிச்சைகளின் பின் வீடு திரும்பியுள்ளனா்.