தேயிலை தொழிற்சாலையில் தீ விபத்து: இராகலையில் சம்பவம்

இராகலை சூரியகாந்தியிலுள்ள தேயிலை தொழிற்சாலையில் ஏற்பட்ட தீ விபத்து கட்டுப்பாட்டிற்குள் கொண்டு வரப்பட்டுள்ளது.
இந்த தீவிபத்து இன்று காலை இடம்பெற்றுள்ளதாக இராகலை பொலிஸார் தெரிவித்துள்ளனர்.

தேயிலையை உலர்த்துவதற்காக பயன்படுத்தப்படும் இடத்திலேயே தீ விபத்து ஏற்பட்டுள்ளதாக விசாரணைகளின் போது தெரியவந்துள்ளது.

குறித்த தொழிற்சாலை அதிகாரிகள், பொலிஸார் மற்றும் பொது மக்களும் இணைந்து தீயை கட்டுப்பாட்டிற்குள் கொண்டு வந்துள்ளனர்.

மேலும் குறித்த தீவிபத்தினால் தொழிற்சாலையில் இருந்த பொருட்களும் சேதமாக்கப்பட்டுள்ளன.

இது தொடர்பான மேலதிக விசாரணைகளை இராகலை பொலிஸார் மேற்கொண்டு வருகின்றனர்.