பொற்றோரை இழந்த பாடசாலை மாணவர்களுக்கு பளை ஆசிரியர் மதிதாஸ் உதவி

கிளிநொச்சி பளை மத்திய கல்லூரியில் ஆசிரியராகப் பணிபுரியும் ம.மதிதாஸ் போரால் பாதிக்கப்பட்டு பெற்றோர்களை இழந்த வறுமையான மாணவர்களினதும், விசேட தேவையுடைய மாணவர்களினதும் கற்றலை ஊக்குவிக்கும் வகையில் அவர்களுக்கு உதவி செய்துள்ளார்.
கிளிநொச்சி பளை மத்திய கல்லூரி மற்றும் இந்து ஆரம்ப வித்தியாலயம் ஆகிய இரு பாடசாலைகளிலும் கல்வி பயிலும் மாணவர்களுக்கே கடந்த மார்ச் 16ம் திகதி துவிச்சக்கர வண்டி, காலணி, புத்தகப்பை, உதவித் தொகை என்பன வழங்கப்பட்டுள்ளது.

135,000ரூபா பெறுமதியான இந்த உதவிகள் 60 மாணவர்களுக்கு வழங்கப்பட்டுள்ளது.

இந்நிகழ்வில் பளை மத்திய கல்லூரி அதிபர் திரு.சி.பாலகிருஷ்ணன் அவர்களும், ஆசிரியர்களும் பெற்றோர்களும் கலந்து கொண்டு, மாணவர்களுக்கு உதவிப் பொருட்களை வழங்கியும் வைத்தனர்.