புதுவருடத்திற்கு பின் ஜனாதிபதி பதவி விலகவேண்டும்: ஞானசார தேரர்

சிங்கள, தமிழ் புதுவருடத்திற்கு பின்னர் ஜனாதிபதி மைத்திரிபால சிறிசேன தனது பதவியை இராஜினாமா செய்யவேண்டுமென பொதுபலசேனா அமைப்பின் பொதுச்செயலாளர் கலகொடஅத்தே ஞானசார தேரர் தெரிவித்துள்ளார்.
கொழும்பில் நேற்று இடம் பெற்ற ஊடகவியலாளர் சந்திப்பில் கலந்துக்கொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

நாட்டில் தற்பொழுது நிலவுகின்ற தேசிய பாதுகாப்பு மற்றும் நாட்டின் அபிவிருத்திகள் பாரிய நெருக்கடிகளில் உள்ளதாகவும் அதற்கு ஜனாதிபதி மைத்திரிபால சிறிசேனவே பொறுப்பு கூறவேண்டுமெனவும் அவர் குறிப்பிட்டுள்ளார்.

பிரதமர் பதவி விலகல், பாராளுமன்றம் கலைப்பு, தேசிய அரசாங்கம் உருவாக்கம் ஆகியவற்றினால் நாட்டில் ஏற்பட்டிருக்கும் நெருக்கடியினை தடுக்கமுடியாது, ஜனாதிபதி தனது பதவியை இராஜினாமா செய்வதன் மூலமே இதற்கு தீர்வு காணமுடியும் என அவர் சுட்டிக்காட்டியுள்ளார்.

நாட்டிற்கு உயிர் உள்ள தலைவரே வேண்டும், புதுவருடத்தின் பின்னர் ஜனாதிபதி இராஜினாமா செய்ய வேண்டுமென அவர் மேலும் குறிப்பிட்டுள்ளார்.