மண் மேடு ஒன்றில் பஸ் மோதியதில் 5 பேர் படுகாயம்

ஹற்றன்- நுவரெலியா பிரதான வீதியில் சென்கிளயார் பகுதியில் உள்ள மண் மேடு ஒன்றில் பஸ் மோதியதில் 5 பேர் படுகாயமடைந்துள்ளனர்.
நாவலப்பிட்டியிலிருந்து டயகம நோக்கி சென்ற இலங்கை போக்குவரத்துச் சபைக்கு சொந்தமான பஸ்ஸே நேற்று மாலை 6 மணியளவில் விபத்துக்குள்ளாகியுள்ளது.

பஸ் சாரதியின் கவனயீனம் காரணமாகவே இவ்விபத்து நேர்ந்துள்ளதாக திம்புள்ள பத்தனை பொலிஸார் தெரிவித்தனர்.

பஸ் சாரதியை திம்புள்ள பத்தனை பொலிஸ் நிலையத்தில் தடுத்து வைத்துள்ளதுடன், படுகாயமடைந்தவர்கள் கொட்டகலை வைத்தியசாலையில் அனுமதிக்கப்பட்டுள்ளதாக திம்புள்ள பத்தனை பொலிஸார் தெரிவித்துள்ளனர்.

இவ்விபத்து தொடர்பான மேலதிக விசாரணைகளை தாம் மேற்கொண்டு வருவதாக திம்புள்ள பத்தனை பொலிஸார் குறிப்பிட்டுள்ளனர்.