மதுவால் நடந்த மோதல்: இறுதியில் உயிரை விட்ட தாய்

பெங்களூர் அருகே குடிப்பதற்கு பணம் கொடுக்க மறுத்த தாயை வாலிபர் ஒருவர் அடித்து கொன்ற சம்பவம் பெரும் அதிர்ச்சியை ஏற்படுத்தியுள்ளது.
பெங்களூர் அருகே உள்ள சிக்கமகளூரு மாவட்டம் தரிகெரே தாலுகா கோடிகேம்ப் பகுதியை சேர்ந்த மல்லம்மா (60) என்பவர் தனது மகன் சீனிவாஸுடன் வாழ்ந்து வந்துள்ளார்.

இந்நிலையில், சீனிவாஸ் நேற்று மதுபானம் குடிக்க பணம் தருமாறு தனது தாய் மல்லம்மாவிடம் கேட்டுள்ளார்.

ஆனால் மல்லம்மா, மதுபானம் குடிக்க பணம் கொடுக்க மறுத்ததால் இதுதொடர்பாக இருவருக்கும் இடையே வாக்குவாதம் ஏற்பட்டுள்ளது.

இதனால் ஆத்திரமடைந்த சீனிவாஸ் வீட்டில் இருந்த உருட்டு கட்டையை எடுத்து மல்லம்மாவின் தலையில் ஓங்கி அடித்ததில் அவர் சம்பவ இடத்திலேயே உயிரிழந்துள்ளார்.

இதையடுத்து இறந்த தனது தாய் மல்லம்மாவின் உடலை சாக்குபையில் வைத்து மூட்டை கட்டிய சீனிவாஸ், அக்கம் பக்கத்தினரை பார்த்தவுடன் சாக்கு மூட்டையை போட்டுவிட்டு தப்பியோடியுள்ளார்.

தகவலறிந்து விரைந்து வந்த பொலிசார், சாக்குமூட்டையில் இருந்த மல்லம்மாவின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர்.

மேலும் தலைமறைவான சீனிவாசை பொலிசார் கைது செய்துள்ளனர்.