இலங்கை தேசிய ரக்பி குழாமிலிருந்து யோசிதவின் பெயர் நீக்கம்

எதிர்வரும் மே மாதம் 9ம் திகதி முதல் 12ம் திகதி வரை பிலிப்பைன்ஸில் நடைபெறவுள்ள ஆசிய ரக்பி போட்டித் தொடருக்கான 40 பேரைக் கொண்ட இலங்கைக் குழாமில் இருந்து முன்னாள் ஜனாதிபதி மகிந்த ராஜபக்சவின் மகன் யோசிதவின் பெயர் உள்ளடக்கப்படவில்லை என நம்பத்தகுந்த வட்டாரங்கள் தெரிவித்துள்ளன.
ஆசிய பிராந்திய வலய நாடுகளுக்கு இடையில் நடைபெறும் மிக முக்கியமான போட்டிகளில் ஒன்றாக இந்தப் போட்டித் தொடர் கருதப்படுகின்றது.

2012 மற்றும் 2013ம் ஆண்டுகளில் தேசிய அணியின் தலைவராக யோசித 03 வருடகாலம் கடமையாற்றியிருந்தார் என்பது குறிப்பிடத்தக்கது.

யோசித்தவின் தலைமையில் 2012ம் ஆண்டில் இரண்டாம் இடத்தையும், 2013ம் ஆண்டில் போட்டித் தொடர் ஒன்றின் சாம்பியன் பட்டத்தையும் இலங்கை அணி வென்று ஆசியாவின் 04ஆம் இடத்தையும் பெற்றுக்கொண்டிருந்தது.

அவ்வாறான வெற்றிகளை யோசிதவின் தலைமையில் பெற்றுக்கொண்டிருந்த போதிலும் இம்முறை இடம்பெறவுள்ள போட்டிகளில் அவருடைய பெயர் உள்ளடக்கப்படாமைக்கான காரணத்தை இலங்கை ரக்பி வாரியத்தின், தலைமை நிர்வாக அதிகாரி ரோஹான் குணரத்னவிடம் வினவப்பட்டுள்ளது.

ஏற்கனவே இறுதி அணிக்கான வீரர்களை தேர்வு செய்துவிட்டோம். எனினும் இதுவரை இறுதி அணி வீரர்களின் பட்டியல் என் கையில் கிடைக்கவில்லை. நாளை கிடைத்துவிடும் அதுவரை எவ்வித பதிலும் வழங்க முடியாதென தலைமை நிர்வாக அதிகாரி ரோஹான் குணரத்ன தெரிவித்துள்ளார்.