சிங்களவர் என்பதால் கனேடிய உயர்ஸ்தானிகரால் பணி நீக்கம் செய்யப்பட்ட சாரதிக்கு சார்பாக நீதிமன்றம் தீர்ப்பு

by oviya Mon Apr 06, 2015 2:28 pm

கொழும்பில் உள்ள கனேடிய உயர்ஸ்தானிகர், தம்மிடம் பணிபுரிந்த வாகன சாரதியை மீண்டும் பணிக்கு அமர்த்த வேண்டும். அல்லது அவருக்கு 6 மில்லியன் ரூபாய்கள் நட்டஈடு வழங்கப்பட வேண்டும் என்று கொழும்பு தொழில்நீதிமன்றம் உத்தரவிட்டுள்ளது
தாம் சிங்களவர் என்ற அடிப்படையில் கடந்த 8 வருடகாலம் பணிகளில் இருந்து நிறுத்தப்பட்டதாக கூறி மினுவாங்கொடையை சேர்ந்த லால் பெர்ணான்டோ என்பவர் மனு ஒன்றை நீதிமன்றில் தாக்கல் செய்திருந்தார்.

இது சட்டவிரோதம் என்று அறிவிக்க வேண்டும் என்றறும் அவர் தனது மனுவில் கோரியிருந்தார். தம்மால் தமிழில் உரையாட முடியாமையால்,தான் பல வாய்ப்புக்களில் இருந்து தவிர்க்கப்பட்டதாகவும் மனுதாரர் குறிப்பிட்டிருந்தார்.

வடக்கு உட்பட்ட தமிழ் பகுதிகளுக்கு செல்லும் போது உள்ளூர் அரசியல்வாதிகள் போன்றோரின் சந்திப்புக்களில் இருந்து தாம் தவிர்க்கப்பட்டதாகவும் இலங்கையின் உள்ளக விடயங்களில் தலையிடுவதை காட்டிக்கொள்ள கனேடிய உயர்ஸ்தானிகர் விரும்பவில்லை என்றும் மனுதாரர் குற்றம் சுமத்தியிருந்தார்