இனவாதப் பேய்கள் நாட்டை ஆக்கிரமிக்க முயற்சிக்கின்றன!– ஜயம்பதி விக்ரமரட்ன

இனவாதப் பேய்கள் நாட்டை ஆக்கிரமிக்க முயற்சித்து வருவதாக ஜனாதிபதி சட்டத்தரணி ஜயம்பதி விக்ரமரட்ன தெரிவித்துள்ளார்.
நாடு பாரிய ஆபத்துக்களை எதிர்நோக்கும் நிலையை அடைந்துள்ளதாகவும் அவர் தெரிவித்துள்ளார்.

அண்மையில் நுகேகொட, கண்டி மற்றும் இரத்தினபுரி போன்ற இடங்களில் கூடிக்குழுமிய இனவாதப் பேய்கள் நாட்டை மீளவும் பின்தங்கிய நிலைக்குத் தள்ள முயற்சிக்கின்றன.

நாடு விழுந்திருந்த அதள பாதாள நிலைமை குறித்து இனவாதப் பேய்கள் இன்று மறந்து விட்டன.

நாம் அனைவரும் அச்சத்துடனும், சந்தேகத்துடனும் வாழ்ந்த காலமொன்று இருந்தது.

நாம் எமது சொந்த செல்லிடப் பேசியில் அழைப்புக்களை ஏற்படுத்துவதில்லை, அவ்வாறான ஒர் நிலைமை காணப்பட்டது.

நிறைவேற்று அதிகார ஜனாதிபதி முறைமையினால் நாட்டுக்கு பாரிய அச்சுறுத்தல் ஏற்பட்டிருந்தது.

நிறைவேற்று அதிகார ஜனாதிபதி முறைமைக்கு பொருத்தமற்றவர் நியமிக்கப்பட்டதனால் நாடு எதிர்நோக்கிய ஆபத்தான நிலைமையை மக்கள் மறந்துவிடக் கூடாது.

ஆபத்தான நிறைவேற்று அதிகார ஜனாதிபதி முறைமையை இல்லாதொழிக்க வேண்டியது அவசியமானது என ஜயம்பதி விக்ரமரட்ன அண்மையில் கண்டியில் தெரிவித்திருந்தார்.