சட்டவிரோதமாக கருக்கலைப்பு: இந்தியப் பெண்ணுக்கு 30 ஆண்டு சிறை

அமெரிக்காவில் சட்ட விரோதமாக கருக்கலைப்பு செய்த இந்தியப்பெண்ணுக்கு 30 ஆண்டுகள் சிறைத்தண்டனை விதிக்கப்பட்டுள்ளது.
அமெரிக்காவில் உள்ள இன்டியானா மாகாணத்தில் வசித்து வந்த பூர்வி பட்டேல்(Purvi Patel Age -33) என்பவர் இந்திய வம்சாவளியை சேர்ந்தவர்.

கடந்த 2013–ஆம் ஆண்டு கர்ப்பமாக இருந்த அவர், கர்ப்பத்தை கலைப்பதற்காக, ஹாங்காங்கில் இருந்து இணையதளம் மூலம் கருக்கலைப்பு மருந்துகளை வாங்கி சாப்பிட்டதில் கருக்கலைப்பு ஏற்பட்டது.

அந்த சிசுவை ஒரு பையில் அடைத்து குப்பை தொட்டியில் வீசியுள்ளார், அதே நேரத்தில் பூர்வி பட்டேலுக்கு ரத்தப்போக்கு காரணமாக கடுமையான வயிற்று வலி ஏற்பட்டதால், சிகிச்சைக்காக அங்குள்ள மருத்துவமனைக்கு சென்றுள்ளார்.

அப்போது கருக்கலைப்பு செய்த விடயத்தை அவர் மருத்துவமனையில் தெரிவிக்கவில்லை.

இதை அறிந்து கொண்ட மருத்துவர்கள், அவர் மீது பொலிசில் புகார் தெரிவித்துள்ளனர். இதனைத் தொடர்ந்து குப்பை தொட்டியில் வீசிய கருவை பொலிசார் கண்டெடுத்துள்ளனர்.

இதுதொடர்பாக அவர் மீது வழக்கு பதிவு செய்யப்பட்டது. இந்த வழக்கை விசாரித்த நீதிபதி அவருக்கு 30 ஆண்டுகள் சிறைத்தண்டனை விதித்து தீர்ப்பளித்துள்ளார்.