ஜனாதிபதி மைத்திரிபால இன்று நாடு திரும்புகின்றார்: தம்பியின் இறுதிக் கிரியைகளில் பங்கேற்பார்

சீனாவிற்கு விஜயம் செய்திருந்த ஜனாதிபதி மைத்திரிபால சிறிசே இன்று நாடு திரும்புகின்றார்.
நான்கு நாள் விஜயமொன்றை மேற்கொண்டு ஜனாதிபதி சீனாவிற்கு சென்றிருந்தார். நாடு திரும்பும் ஜனாதிபதி தனது சகோதரரான பிரியந்த சிறிசேனவின் இறுதிக் கிரியைகளில் பங்கேற்க உள்ளார்.

பிரியந்த சிறிசேனவின் இறுதிக் கிரியைகள் பொலனறுவை பொது மயானத்தில் இன்று நடைபெறவுள்ளது.

இறுதிக் கிரியைகளில் ஜனாதிபதி மைத்திரிபால சிறிசேன பங்கேற்பார் என ஜனாதிபதி செயலகம் அறிவித்துள்ளது.

ஜனாதிபதி மைத்திரிபால சிறிசேன சீனா விஜயத்தின் போது சீனா ஜனாதிபதி மற்றும் பிரதமருடன் பரஸ்பர கலந்துரையாடல்களில் ஈடுபட்டதுடன் சுகாதாரம், கல்வி, அதே போல் சமூக மற்றும் பொருளாதார வளர்ச்சி போன்ற நான்கு ஒப்பந்தங்களில் கைச்சாத்திட்டமை குறிப்பிடதக்கது.