முகமூடிய தலைக்கவச தடைக்கெதிராக ஆர்ப்பாட்டம்

முகத்தை முழுமையாக மூடிய தலைக்கவசத்திற்கு தடை விதிக்கப்படவுள்ளமைக்கு எதிராக ஆர்ப்பாட்டமொன்று இடம்பெறவுள்ளது.

இந்த ஆர்ப்பாட்டம் இன்றைய தினம் காலிமுகத்திடலில் இடம்பெறவுள்ளதாக தெரிவிக்கப்படுகின்றது.

முகத்தை முழுமையாக மூடிய தலைக்கவசத்திற்கு எதிர்வரும் 2ம் திகதி முதல் தடை விதிக்கப்படும் என பொலிஸ் ஊடக பிரிவு தெரிவித்திருந்தது.

இந்நிலையிலேயே குறித்த தடைக்கு எதிர்ப்பு தெரிவித்து மோட்டார் சைக்கிள் உரிமையாளர்கள், மற்றும் மோட்டார் சைக்கிள் ஓட்டுனர்கள் சங்கம் என்பன இணைந்து ஆர்ப்பாட்டமொன்றில் ஈடுபடுவதற்கு தீர்மானித்துள்ளன.

இதேவேளை பொலிஸ் திணைக்களத்தினால் விதிக்கப்பட்ட இத்தடை விவகாரம் குறித்து தனக்கு எதுவும் தெரியாது எனவும், தான் அதற்கு அனுமதி வழங்கவில்லை எனவும் அமைச்சர் ஜோன் அமரதுங்க தெரிவித்துள்ளமை குறிப்பிடத்தக்கது.