54 இந்திய மீனவர்களை விடுவிக்க இலங்கை அரசாங்கம் உத்தரவு

கடந்த ஞாயிற்றுக்கிழமையன்று கைது செய்யப்பட்ட இந்திய மீனவர்கள் 54 பேரையும் விடுவிக்குமாறு இலங்கை அரசாங்கம் நேற்று உத்தரவிட்டுள்ளது.
சென்னையில் இரண்டு நாட்டு மீனவர்களுக்கும் இடையில் பேச்சுக்கள் ஆரம்பமாகவுள்ள நிலையிலேயே இந்த உத்தரவு பிறப்பிக்கப்பட்டுள்ளது.

இதேவேளை மீனவர்களை விடுவிக்கக்கோரி ராமேஸ்வரம் மீனவர்களும் நேற்று கால வரையறையற்ற பணிப்புறக்கணிப்பை ஆரம்பித்தனர்.

அத்துடன் 54 மீனவர்கள் விடுவிக்கப்பட்டால் மாத்திரமே சென்னை பேச்சுவார்த்தையை நடத்த முடியும் என்று தமிழக அரசாங்கமும் தெரிவித்திருந்தது.

இந்நிலையில் இன்று 54 மீனவர்களும் இலங்கையின் நீதிமன்றத்தில் ஆஜர் செய்யப்பட்டு விடுவிக்கப்படவுள்ளதாக தெரிவிக்கப்பட்டுள்ளது.