இலங்கைக்கு விஜயம் மேற்கொள்ளும் கட்டார் மன்னர்

கட்டார் மன்னர் தமீம் பின் அஹமட் அல் தானி இலங்கைக்கு விஜயம் செய்யவுள்ளதாக ஜனாதிபதி ஊடகம் பிரிவு அறிவித்துள்ளது.
எதிர்வரும் 24ம் திகதி மன்னர் வருகை தரவுள்ளதாக அறிவிக்கப்பட்டுள்ளது.

அவர் இலங்கை - கட்டார் ஆகிய நாடுகளுக்கான இரு தரப்பு உறவுகள் மற்றும் ஒத்துழைப்பை மேம்படுத்துவது குறித்து ஜனாதிபதி மைத்திரிபால சிறிசேனவை சந்தித்து பேச்சுவார்த்தை நடத்தவுள்ளார்.

இவ்விஜயத்தின் போது இளைஞர், விளையாட்டு, கலாச்சாரம், சுகாதாரம், தகவல் தொழிநுட்ப பரிமாற்றம், தகவல் தொலைதொடர்பு உள்ளிட்ட உடன்படிக்கைகளிலும் கைச்சாத்திடவுள்ளார் என எதிர்பார்க்கப்படுகின்றது.

கட்டார் மன்னர் இலங்கைக்கு மாத்திரமல்லாது இந்தியா, பாகிஸ்தான் உள்ளிட்ட நாடுகளுக்கும் விஜயம் மேற்கொள்ளவுள்ளார் என தெரிவிக்கப்பட்டுள்ளது.