போலி வீசாவில் பிரிட்டன் செல்ல முயற்சித்த மூவர் கைது

போலி வீசாவைப் பயன்படுத்தி பிரிட்டன் செல்ல முயற்சித்த மூன்று இளைஞர்கள் கைது செய்யப்பட்டுள்ளனர்.
புனர்வாழ்வு அளிக்கப்பட்ட முன்னாள் போராளிகள் இரண்டு பேர் உள்ளிட்ட மூன்று வடக்கு இளைஞர்களே இவ்வாறு கைது செய்யப்பட்டுள்ளனர்.

கட்டுநாயக்க பண்டாரநாயக்க சர்வதேச விமான நிலையத்தில் வைத்து வைத்து இந்த மூன்று இளைஞர்களும் கைது செய்யப்பட்டுள்ளனர்.

குற்ற விசாரணைப் பிரிவு அதிகாரிகள் குறித்த இளைஞர்களை கைது செய்துள்ளனர். 21, 23 மற்றும் 32 வயதான தமிழ் இளைஞர்களே இவ்வாறு கைது செய்யப்பட்டுள்ளனர்.

இவர்கள் அனைவரும் முல்லைத்தீவு பிரதேசத்தைச் சேர்ந்தவர்கள் எனவும் தெரிவிக்கப்படுகிறது.

கைது செய்யப்பட்டவர்களில் இருவர் முன்னாள் போராளிகள் எனவும் புனர்வாழ்வு அளிக்கப்பட்டதன் பின்னர் மீன்பிடியில் ஈடுபட்டு வந்துள்ளார்கள் எனவும் தெரிவிக்கப்படுகிறது. நண்பர் ஒருவர் வழங்கிய போலி வீசா ஆவணங்களைப் பயன்படுத்தி இவர்கள் பிரிட்டனுக்கு செல்ல முயற்சித்துள்ளனர்.

சந்தேக நபர்கள் நீதிமன்றில் முன்னிலைப்படுத்தப்பட உள்ளனர்.