சஜின் வாஸ் குணவர்தனவிடம் விசாரணை

ஐக்கிய மக்கள் சுதந்திர முன்னணியின் நாடாளுமன்ற உறுப்பினர் சஜின் வாஸ் குணவர்தனவிடம் இலஞ்சம் மற்றும் ஊழல் மோசடி விசாரணை ஆணைக்குழு தற்போது விசாரணைகளை நடத்தி வருகிறது.
சஜின் வாஸ் குணவர்தனவை நேற்று ஆணைக்குழுவிற்கு விசாரணைக்காக அழைக்கப்பட்டிருந்த நிலையில், சுகவீனம் காரணமாக விசாரணையில் கலந்து கொள்ள முடியாது என அவர் ஆணைக்குழுவிற்கு தெரியப்படுத்தியிருந்தார்.

இந்த நிலையில், இன்று அவர், ஆணைக்குழுவிற்கு சமூகமளித்துள்ளதுடன் அவரிடம் விசாரணைகள் நடத்தப்பட்டு வருவதாக அங்கிருந்து கிடைக்கும் தகவல்கள் தெரிவித்தன.

குறுகிய காலத்தில் வருமானத்திற்கு அதிகமாக சொத்துக்களை சேர்த்துள்ளதாக சஜின் வாஸ் குணவர்தனவுக்கு எதிராக முறைப்பாடு செய்யப்பட்டுள்ளது. மேசடியாக அவர் இந்த சொத்துக்களை சேர்த்துள்ளதாக அதில் தெரிவிக்கப்பட்டுள்ளது.

நாடாளுமன்ற உறுப்பினர் சஜின் வாஸ் குணவர்தனவிற்கு எதிராக ஜே.வி.பி இந்த முறைப்பாட்டை செய்திருந்தது.