யாழ் முஸ்லிம்களின் வரலாற்றுப் பார்வை நூல் வெளியீடு

யாழ் முஸ்லிம்களின் வரலாற்றுப் பார்வை என்ற நூல் கடந்த ஞாயிற்றுக் கிழமை வெளியீட்டு வைக்கப்பட்டுள்ளது.
யாழ் முஸ்லிம்களது கல்வி, பண்பாடு இலக்கிய பங்களிப்பு, தொழில், அரசியல், அவர்கள் சந்தித்த அனர்த்தங்கள், இன்று இலங்கையின் பல பகுதிகளிலும் சிதறுண்டு வாழும் நிலை, மீளவும் யாழ் செல்ல முடியுமா எனும் ஏக்கம், 21ஆம் நூற்றாண்டின் ஆரம்ப கால யாழ்ப்பாணத்து முஸ்லிம்களின் நிலை போன்றவை தொடர்பாக இந்நூலில் எழுதப்பட்டுள்ளது.

இன்றுள்ள யாழ் முஸ்லிம்களும் எதிர்கால சந்ததியினரும் ஏனைய சகோதர மக்களும் வரலாற்றுப் பார்வையை அறிந்து கொள்ள கூடியவாறு இந் நூல் காலத்தின் தேவை கருதி வெளிவந்துள்ளது.

கடந்த ஞாயிற்றுக்கிழமை யாழ் முஸ்லிம் மறுமலர்ச்சிய இயக்கத்தின் ஏற்பாட்டில், ஓய்வு பெற்ற பிரதிக் கல்விப்பணிப்பாளர் எம்.எஸ் ஏ.எம் முஹ்தார் தலைமையில் இந்நூல் வெளியீட்டு வைக்கப்பட்டுள்ளது.

இந் நிகழ்வின் பேராசிரியர் அனஸ் உரையாற்றுகையில்,

இற்றைக்கு 25 வருடங்களுக்கு முன் யாழ் மண்ணில் இருந்து விரட்டப்படும்போது, இம்மக்கள் கையில் 500 ரூபா, ஒரு சொப்பிங் பேக்கில் தனது உடுப்பையும் எடுத்துக் கொண்டு புத்தளம் பகுதிக்கு வந்தார்கள்.

ஆனால் இன்று அவர்கள் பரந்துபட்டு சர்வதேச மட்டத்தில் கல்வித்துறை, வியாபாரத்துறை, அரச துறைகளில் முன்னேறி இந்த 1500 ருபா புத்தகத்தையே இலவசமாக விநியோகிக்கும் அளவுக்கு பொருளாதாரத்தில் முன்னேறியுள்ளார்கள் என்றார்.

- See more at: http://www.tamilwin.com/show-RUmtyDSVSUmu3C.html#sthash.6pyWtJ9X.dpuf