இலங்கை - பிரித்தானிய வெளியுறவு அமைச்சர்கள் சந்திப்பு

பிரித்தானிய வெளியுறவு அமைச்சர் பிலிப் ஹாமொன்டை, இலங்கையின் வெளியுறவு அமைச்சர் மங்கள சமரவீர நேற்று சந்தித்துள்ளார்
இதன் போது இலங்கையின் புதிய அரசாங்கத்தின் மனித உரிமைக்காப்பு விடயங்கள் ஆராயப்பட்டுள்ளன.

இலங்கையின் மனித உரிமைக்காப்பு விடயத்தில் பிரித்தானியா எவ்வாறு உதவ முடியும் என்று இதன்போது ஹாமொன்ட் விரிவாக எடுத்துரைத்ததாக பிரித்தானிய வெளியுறவு மற்றும் பொதுநலவாய அலுவலகம் தெரிவித்துள்ளது.

புதிய அரசாங்கத்தின் புதிய திட்டங்களுக்கு பிரித்தானியாவின் உதவி குறித்தும் ஹாமொன்ட் கருத்துரைத்ததாக தெரிவிக்கப்பட்டுள்ளது.

இதேவேளை மனித உரிமைகள் விடயத்தில் ஐக்கிய நாடுகளுடன் இணைந்து செயற்படவுள்ள இலங்கையின் விருப்பத்தையும் ஹாமொன்ட் பாராட்டியுள்ளார்.