முகத்தை முழுமையாக மறைக்கக்கூடிய தலைகவசங்களுக்கு தற்போதைக்கு தடையில்லை: ஜோன் அமரதுங்க

முகத்தை முழுமையான மறைக்க கூடிய தலைகவசங்களை தடைசெய்வது குறித்த சட்டம் தற்போதைக்கு அமுல்படுத்தப்பட மாட்டாது என பொதுமக்கள் பாதுகாப்பு மற்றும் அனர்த்த முகாமைத்துவ அமைச்சர் ஜோன் அமரதுங்க தெரிவித்துள்ளார்.
மோட்டார் சைக்கிள் செலுத்துவோர் முகத்தை முழுமையாக மறைக்கக்கூடிய வகையிலான தலைக்கவசம் அணியக் கூடாது என்ற சட்டம் இந்த மாதம் 21ம் திகதி முதல் அமுல்படுத்தப்படவிருந்தது.

எனினும் இந்த சட்ட அமுலாக்கத்திற்கு பல்வேறு தரப்பினரும் எதிர்ப்பை வெளியிட்டு வருகின்றனர். சுய பாதுகாப்பு காரணிகளுக்காகவே முகத்தை முழுமையாக மறைக்கக்கூடிய தலைகவசம் அணிவதாக அவர்கள் தெரிவித்துள்ளனர்.

அதனால் குறித்த சட்டத்தை தற்போதைக்கு அமுல்படுத்த வேண்டாம் என உரிய அதிகாரிகளுக்கு பணிப்புரை விடுக்க உள்ளதாக அமைச்சர் குறிப்பிட்டுள்ளார்.

முழுமையாக முகத்தை மறைக்க கூடிய தலைக்கவசங்களை பயன்படுத்தி பல்வேறு குற்றச் செயல்கள் இடம்பெற்று வருவதாகத் தெரிவித்தே இந்த வகை தலைகவசங்கள் பயன்படுத்துவதற்கு தடை விதிக்கப்பட்டிருந்தது என்பதும் குறிப்பிடத்தக்கது.