பாதுகாப்பற்ற கிணற்றுக்குள் விழுந்து சிறுவன் பரிதாப பலி: முல்லைத்தீவில் சம்பவம்

முல்லைத்தீவு விசுவமடுப் பகுதியில் கிணற்றுக்குள் விழுந்து சிறுவன் ஒருவன் உயிரிழந்த சம்பவம் ஒன்று இடம்பெற்றுள்ளது.

விசுவமடு வள்ளுவர்புரம் பகுதியச் சேர்ந்த ஐந்து வயதுடைய விமலன் அபிஷேக் என்ற சிறுவனே இவ்வாறு பரிதாபமாக உயிரிழந்துள்ளார்.

இந்தச் சிறுவன் விளையாடிக்கொண்டிருக்கையில், எவ்வித பாதுகாப்பும் இல்லாத கிணற்றில் தவறுதலாக விழுந்துள்ளான் என பெற்றோர்கள் தெரிவித்துள்ளனர்.

சம்பவம் தொடர்பாக புதுக்குடியிருப்பு பொலிஸார் விசாரணைகளை முன்னெடுத்து வருகின்றனர். இச் சிறுவன் பெற்றோர்களுக்கு ஒரே ஒரு பிள்ளை என தெரிவிக்கப்படுகின்றது.