புதிய காற்று

விலைரூ.120
ஆசிரியர் : சு.கிருஷ்ணமூர்த்தி
வெளியீடு: சேகர் பதிப்பகம்
பகுதி: இலக்கியம்
Rating
☆ ☆ ☆ ☆ ☆
பிடித்தவை
சேகர் பதிப்பகம், 66, பெரியார் தெரு, எம்.ஜி.ஆர்., நகர், சென்னை-78. (பக்கம்: 216 )
ஒப்பிலக்கியம், திறனாய்வு, மொழி பெயர்ப்பு தொடர்பான 21 கட்டுரைகளின் தொகுப்பு இந்நூல். தமிழ், வங்காளம், இந்தி, ஆங்கிலம் ஆகிய மொழிகள் தெரிந்தவர் நூலாசிரியர் என்பதால், பல்வேறு மொழிகளில் வெளிவந்த இலக்கியங்களை தமிழ் வாசகருக்கு அறிமுகம் செய்துள்ளார். தாகூரை வங்க மொழியிலும், பாரதியை தமிழ் மொழியிலும் படித்து இருவரையும் ஒப்பிட்டுள்ளதால் அந்த ஒப்பீட்டில் உயிரோட்டம் இருக்கிறது. வங்க நாவலாசிரியர் சரத் சந்திரர் பற்றிய அறிமுகம் முன் எப்போதும் அறிந்திராத வகையில் அமைந்துள்ளது. வங்காள ராமாயணம், காளிதாசரின் மேகதூதம் என்று பல்வேறு காவியத் திறனாய்வும் சேர்ந்து ஓர் இலக்கிய மஞ்சரியாக விளங்குகிறது புதிய காற்று.