போயிங் 727 விமானம் பற்றிய தகவல்களை ஆணையாளரே மறைத்துள்ளார்!

ஏரோ லங்கா நிறுவனத்திற்கு சொந்தமான போயிங் 727 ரக விமானம் பற்றிய தகவல்களை சிவில் விமான சேவை அதிகார சபையின் தற்போதைய ஆணையாளர் நாயகம் எச்.எம்.சீ. நிமல்சிறியே மறைத்துள்ளதாக தகவல் வெளியாகியுள்ளது.
ஏரோ லங்கா விமான நிறுவனம் 2008-2009ம் ஆண்டு காலப்பகுதியில் நஷ்டமடைந்த நிலையில் இது பற்றி ஏரோ லங்கா விமான நிறுவனத்தில் பணியாற்றியவர்கள் முறைப்பாடு செய்த போதிலும் அந்த முறைப்பாடுகளை நிமல்சிறி கண்டு கொள்ளவில்லை என குற்றம் சுமத்தப்பட்டுள்ளது.

இந்த விமானத்தின் உண்மையான உரிமையாளர் அமெரிக்காவின் மியாமில் நகரத்தில் வாழ்ந்து வரும் சிவராசா சிவநாதன் எனத் தெரிவிக்கப்படுகிறது.

உரிமையாளர் கடந்த ஜனவரி மாதம் இலங்கைக்கு வருகை தந்துள்ளதாகவும் அவர் தொடர்பாக நிமல்சிறி மூடி மறைக்காமல் இருந்திருந்தால் பல இரகசியங்கள் வெளியாகி இருக்கும் என தகவல் வட்டாரங்கள் தெரிவிக்கின்றன.

மேலும் ஏரோ லங்காவின் செயற்பாட்டு அதிகாரியாக செயற்பட்டது கோமதி என பெயருடைய பெண் என தெரிவிக்கப்படுகின்றது.

இதற்கு முன்னர் ஸ்கை லைன் எனப்படும் விமான நிறுவனத்தில் இடம்பெற்ற ஊழல் மோசடி தொடர்பாக வெளியாகிய தகவல் குறித்து நிமல்சிறிக்கு முறைபாடு கிடைத்த போதிலும் அவர் மௌனமாக செயற்பட்டுள்ளார் என குறிப்பிடப்படுகின்றது.