இலங்கையில் மருந்தகங்கள் 30 ஆயிரம்! பதிவான மருந்தாளர்கள் 7ஆயிரம் பேர் மட்டுமே!

by oviya Fri Mar 06, 2015 1:31 pm

நாட்டில் சுமார் 30,000ற்கும் மேற்பட்ட மருந்தகங்கள் காணப்பட்ட போதிலும் 6965 பதிவு செய்யப்பட்ட மருந்தாளர்களே இருக்கின்றார்கள் என தெரிவிக்கப்படுகிறது.
இலங்கை மருத்துவ சபையில் பதிவு செய்யப்பட்ட மொத்த மருந்தாளர்களின் எண்ணிக்கை 6965 என தெரிவிக்கப்படுகிறது.

இந்த விடயம் குறித்து கவனம் செலுத்தி உடனடி நடவடிக்கை எடுக்கப்பட வேண்டுமென அகில இலங்கை மருத்துவர் சங்கம் அரசாங்கத்திடம் கோரிக்கை விடுத்துள்ளது

நாட்டின் தற்போதைய சட்டங்களின் அடிப்படையில் பதிவு செய்யப்பட்ட மருந்தாளர் ஒருவர் இன்றி, மருந்தகமொன்றை ஆரம்பிக்க முடியாது என்பது குறிப்பிடத்தக்கது.

இவ்வாறான ஓர் நிலைமையிலும் நாட்டின் பல மருந்தகங்களில் அங்கீகரிக்கப்பட்ட மருந்தாளர்கள் இல்லை என்பது புள்ளி விபர அடிப்படையில் அம்பலமாகியுள்ளது.

இவ்வாறு பதிவு செய்யப்பட்டுள்ள மருந்தாளர்கள் 6965ல் 1437 பேர் அரச வைத்தியசாலைகளில் கடமையாற்றி வருகின்றார்கள் என்பது குறிப்பிடத்தக்கது.

இவ்வாறு அரசாங்க வைத்தியசாலையில் கடமையாற்றி வரும் மருந்தாளர்கள் தனியார் நிறுவனங்களில் கடமையாற்ற முடியாது.

எனவே, 30,000 மருந்தகங்களுக்காக 5528 மருந்தாளர்களே கடமையில் ஈடுபட்டு வருகின்றார்கள் என அரசாங்க மருத்துவர் சங்கம் அறிவித்துள்ளது.