போர் காலத்தில் ஜே.வி.பி நடுநிலைமை வகிக்க தவறியது: அனுரகுமார திஸாநாயக்க

இலங்கையில் போர் நடைபெற்ற காலத்தில் ஜே.வி.பி எடுத்த பல நடவடிக்கைகள் மூலம் அதன் நடுநிலைமையை பாதுகாத்து கொள்ள முடியாது போனது என்பதை ஏற்றுக்கொள்வதாக அதன் தலைவர் அனுரகுமார திஸாநாயக்க தெரிவித்துள்ளார்.
சுயாதீன தொலைக்காட்சியில் நேற்று இடம்பெற்ற அரசியல் கலந்துரையாடலில் அவர் இதனை கூறியுள்ளார்.

அல்லி மலர் அமைப்பு, தேசப்பற்றுள்ள தேசிய இயக்கம் மற்றும் போரின் இறுதிக்கட்டத்தில் கனரக ஆயுதங்களில் தாக்குதல் நடத்துமாறு அரசாங்கத்திற்கு அழுத்தம் கொடுத்தது போன்ற காரணங்களினால், யுத்தம் தொடர்பில் கட்சி கொண்டிருக்க வேண்டிய நடுநிலைமையை பேண தவறியதாகவும் அவர் குறிப்பிட்டுள்ளார்.

இவை குறித்து ஜே.வி.பியின் அரசியல் சபை மற்றும் மத்திய செயற்குழு ஆகியவற்றில் விரிவாக கலந்துரையாடி சுயவிமர்சனத்தி்ல் ஈடுபட்டதாகவும் அனுரகுமார திஸாநாயக்க தெரிவித்துள்ளார்.