நல்லாட்சியில் எமக்கும் பிரச்சினைகள் உள்ளன: ஊவா முதலமைச்சர்

மைத்திரிபால சிறிசேனவை ஜனாதிபதி பதவியில் அமர்த்த ஐக்கிய தேசியக் கட்சி முக்கிய பங்காற்றியிருந்த போதிலும், தற்போது கட்சிக்கு ஏற்படுத்தப்படும் இடைஞ்சல்களை பொறுத்து கொண்டிருக்க வேண்டிய நிலைமை ஏற்பட்டுள்ளதாக ஊவா மாகாண முதலமைச்சர் ஹரின் பெர்னாண்டோ தெரிவித்துள்ளார்.
வெலிமடை கெப்பட்டிபொல நகரில் நடைபெற்ற கூட்டம் ஒன்றில் பேசும் போதே அவர் இதனை கூறியுள்ளார்.

நாட்டுக்காக தேசிய அரசாங்கம் ஒன்று ஏற்படுத்தப்படுமாயின், தனது பதவியை கூட விட்டுக்கொடுக்க தயார் எனவும் அவர் குறிப்பிட்டுள்ளார்.

நல்லாட்சி தொடர்பில் எங்களுக்கும் சிறிய பிரச்சினைகள் உள்ளது. நாங்கள் அரசாங்கம் ஏற்படுத்தி, அன்னப் பறவை சின்னத்திற்கு வாக்குகளை பெற்றுக்கொடுத்து, தற்போது வேறு நபர்கள் சலுகைகளை அனுபவிக்கும் போது சின்ன கோபமும் ஏற்படுகிறது.

நாட்டில் புதிய அரசியல் கலாச்சாரம் ஒன்றை ஏற்படுத்துவதற்காக நாங்கள் பொறுமையாக இருக்கின்றோம்.

இரண்டு கட்சிகள் மோதி கொள்வதற்கு பதிலாக ஒன்றாக இணைந்து நாட்டை 5 வருடங்களுக்கு ஆட்சி செய்து, நாட்டை சிறந்த இடத்திற்கு கொண்டு சென்று, எதிர்கால சந்ததிக்கும் சிறப்பான எதிர்காலத்தை ஏற்படுத்தி கொடுக்க வேண்டும் எனவும் ஹரின் பெர்னாண்டோ தெரிவித்துள்ளார்.