கோத்தபாயவிடம் மன்னிப்புக் கோரியது சண்டே லீடர்

லீடர் பத்திரிகை நிறுவனம் முன்னாள் பாதுகாப்புச் செயலாளர் கோத்தபாய ராஜபக்சவிடம் மன்னிப்பு கோரியுள்ளது.
லீடர் பத்திரிகை நிறுவனத்திற்கு சொந்தமான சண்டே லீடர் பத்திரிகையில் வெளியான மிக் விமானங்கள் பற்றிய செய்திக்காக இவ்வாறு அந்நிறுவனம் மன்னிப்பு கோரியுள்ளது.

நிபந்தனையற்ற அடிப்படையில் கோத்தபாய ராஜபக்சவிடம் மன்னிப்பு கோருவதாக அந்த நிறுவனம் அறிவித்துள்ளது.

இதேவேளை லீடர் நிறுவனம் அவதூறு ஏற்படுத்தும் வகையில் செய்தி வெளியிட்டதாக கோத்தபாய ராஜபக்ச தரப்பினர் நீதிமன்றில் வழக்கு தாக்கல் செய்திருந்தமை குறிப்பிடத்தக்கது.