மகிந்தவை மீண்டும் கொண்டு வருவோம்! ரணிலை விரட்டுவோம்!– ரோஷான் ரணசிங்க

எதிர்வரும் பொதுத்தேர்தலில் தற்போதைய பிரதமர் ரணிலை விரட்டிவிட்டு மகிந்தவை பிரதமராக்குவோம் என பொலன்னறுவை மாவட்ட பாராளுமன்ற உறுப்பினர் ரோஷான் ரணசிங்க தெரிவித்துள்ளார்.
ஐக்கிய தேசிய கட்சியின் 100 நாள் வேலை திட்டத்தை நிறைவேற்ற முடியாத நிலை உள்ளதாகவும் ரோஷான் ரணசிங்க நேற்று இடம் பெற்ற ஊடகவியலாளர் சந்திப்பில் தெரிவித்துள்ளார்.

ரணில் விக்ரமசிங்கவின் அடுத்த கனவாக இருப்பது எதிர்வரும் பொதுத் தேர்தலில் போட்டியிட்டு வெற்றி பெற்று தொடர்ந்து பிரதமராக செயற்படுவதே ஆனால் ஒரு காலமும் அவரது கனவு நனவாக இடமளிக்க மாட்டோம் என அவர் தெரிவித்துள்ளார்.

எதிர்வரும் பொதுத்தேர்தலுக்கு மகிந்தவை மீண்டும் கொண்டு வருவோம். கொண்டு வருவது மட்டுமல்ல ஜனாதிபதி மைத்திரிபால சிறிசேனவின் ஆசிர்வாதத்துடன் ஸ்ரீலங்கா சுதந்திர கட்சி அரசாங்கம் ஒன்றை உருவாக்குவோம் என அவர் மேலும் தெரிவித்துள்ளார்.