கணவரிடம் இருந்து 16 வயது இளம் மனைவி மீட்பு

by oviya Mon Mar 02, 2015 1:13 pm

நாமக்கலில் கடந்த மாதம் திருமணம் செய்து கொண்ட 16 வயது மாணவியை தற்போது அவரது கணவரிடம் இருந்து பொலிசார் மீட்டுள்ளனர்.
நாமக்கல் மாவட்டம் திருச்செங்கோடு பச்சாம்பாளையம் பகுதியைச் சேர்ந்த 11ம் வகுப்பு மாணவிக்கும், சேலம் மாவட்டம் ஆத்தூரைச் சேர்ந்த பாலு(26) என்ற வாலிபருக்கும் கடந்த மாதம் 22ம் திகதி திருமணம் நடந்துள்ளது.

இந்நிலையில் இந்த திருமணம் குறித்து அப்பகுதி கிராம நிர்வாக அலுவலர், திருச்செங்கோடு புறநகர் காவல் நிலயத்தில் புகார் அளித்தார்.

இதையடுத்து தகவல் அறிந்த நாமக்கல் மாவட்ட குழந்தை திருமணம் தடுப்பு பிரிவினர் விரைந்து சென்று மாணவியை அவரது கணவரிடமிருந்து மீட்டுள்ள‌னர்.

பின்னர், நாமக்கல்லில் உள்ள தனியார் இல்லத்துக்கு அழைத்துவந்து, அவரை குழந்தைகள் நல குழுமம் முன் ஆஜர்படுத்த நடவடிக்கை எடுத்துள்ளனர்.

மேலும், 18 வயது நிரம்பாத பெண்ணுக்கு திருமணம் செய்துவைத்த மாணவியின் பெற்றோர் மீது திருச்செங்கோடு புறநகர் பொலிசார் தற்போது வழக்குப்பதிவு செய்து விசாரித்து வருகின்றனர்.