கண்டாவளை பிரதேசத்துக்கு பன்முகப்படுத்தப்பட்ட வரவுசெலவு திட்ட ஒதுக்கீட்டு பொருட்கள் வழங்கல்!

கிளிநொச்சி பிரதேச செயலகத்திற்குட்பட்ட பொது அமைப்புக்கள்,விளையாட்டு கழகங்கள்,அறநெறி பாடசாலைகள் போன்ற அமைப்புகளுக்கு பன்முகப்படுத்தப்பட்ட வரவு,செலவு திட்ட நிதியில் இருந்து காசோலை மற்றும் பொருட்கள் வழங்கிவைக்கப்பட்டுள்ளன.

யாழ்ப்பாணம் கிளிநொச்சி மாவட்டங்களின் பா.உறுப்பினர் சி.சிறீதரன்,வடமாகாண சபை உறுப்பினர் சு.பசுபதிப்பிள்ளை, வடமாகாணசபை உறுப்பினர் ப.அரியரத்தினம் ஆகியோரின் வரவுசெலவு திட்ட நிதியின் கீழ் இவ்பொருட்கள் மற்றும் காசோலைகள் வழங்கி வைக்கப்பட்டுள்ளது.

கடந்த 24ம் திகதி நடைபெற்ற இந்நிகழ்வில் கண்டாவளை பிரதேச செயலகத்தில் பிரதேச செயலாளர் முகுந்தன் தலைமையில் நடைபெற்ற நிகழ்வில் பா.உறுப்பினர் சி.சிறீதரன், கரைச்சி பிரதேசசபை உறுப்பினர் தவபாலன், கரைச்சி பிரதேசசபை உறுப்பினர் புஸ்பராசா ஆகியோர் கலந்துகொண்டு வழங்கி வைத்தனர்.

இந்த நிகழ்வில் பிரதேசசெயலக அதிகாரிகள், கிராமசேவகர்கள், பொது அமைப்புக்களின் பிரதிநிதிகள் கலந்துகொண்டிருந்தனர்.