மகிந்தவிற்கு ஆதரவாக 15 மில்லியன் பெறுமதியான விளையாட்டு உபகரணங்களை விநியோகித்த சதொச!

கடந்த ஜனாதிபதி தேர்தலுக்கு முன்னர் லங்கா சதொசவினால் இந்தியாவிலிருந்து ஒரு தொகை விளையாட்டு உபகரணங்கள் இறக்குமதி செய்யப்பட்டுள்ளதாக சுங்க திணைக்கள வட்டாரங்கள் தெரிவிக்கின்றன.
இவ்வாறு இறக்குமதி செய்யப்பட்ட விளையாட்டு உபகரணங்களின் பெறுமதி 15 மில்லியன் ரூபா என தெரிவிக்கப்படுகிறது.

கரம்போட், பெட்மிட்டன், கூடை பந்து விளையாட்டுகளுக்கான பந்துகள்,பெட்மிட்டன் மட்டைகள் போன்ற விளையாட்டு உபகரணங்கள் இதில் அடங்குவதாக தெரிவிக்கப்பட்டுள்ளது.

இந்த விளையாட்டு உபகரணங்கள், சதொச களஞ்சியதில் களஞ்சியப்படுத்தப்படாமல்,  முன்னாள் ஜனாதிபதி மகிந்த ராஜபக்சவின் தேர்தல் பிரச்சார நடவடிக்கைகளுக்காக பயன்படுத்தப்பட்டுள்ளதாக தெரிவிக்கப்படுகின்றது. லங்கா சதொசவின் முன்னாள் தலைவர் நலிந்த பெர்னாண்டோவும் இந்த விளையாட்டு உபகரணங்களை இறக்குமதி செய்ய உதவியுள்ளதாக கூறப்படுகின்றது.