பாடசாலை மாணவியை துஷ்பிரயோகத்திற்கு உட்படுத்திய இளைஞன் கைது!

பெற்றோரின் பாதுகாப்பில் இருந்த 14 வயது பாடசாலை மாணவியை கடத்திச் சென்று துஷ்பிரயோகத்திற்கு உட்படுத்திய குற்றச்சாட்டில் 19 வயதான இளைஞனை பொலிஸார் கைது செய்துள்ளனர்.
குருணாகல், மாவத்துகம மடகல்ல பிரதேசத்தை சேர்ந்த இளைஞரே இவ்வாறு கைது செய்யப்பட்டுள்ளார். புத்தளம், தங்கொட்டுவை, கட்டுகந்த பிரதேசத்தை சேர்ந்த பாடசாலை மாணவியையே இந்த இளைஞன் துஷ்பிரயோகத்திற்கு உட்படுத்தியுள்ளார்.

குறித்த இளைஞர், தான் கடத்திச் சென்ற பாடசாலை மாணவியை காதலித்து வந்துள்ளதாக கூறப்படுகிறது. இந்த நிலையில், கடந்த 13 ஆம் திகதி மாணவியை அவரது பெற்றோருக்கு தெரியாமல் இரகசியமான முறையில் அழைத்து கொண்டு பிரதேசத்தை விட்டு தப்பிச் சென்றுள்ளார்.

சந்தேக நபரான தனது காதலன், தன்னை அவரது வீட்டுக்கு அழைத்துச் சென்று தகாதமுறையில் நடத்தியதாக மாணவி பொலிஸாரிடம் கூறியுள்ளார்.