அமெரிக்காவின் அகதிகள், மற்றும் குடிவரவு துறை அதிகாரி சூசன் ஹெய்லி குழுவினர் யாழ். விஜயம்!

அமெரிக்க நாட்டின் தெற்காசிய பிராந்தியத்தின் சனத்தொகை பெருக்கம், அகதிகள், மற்றும் குடிவரவு துறை அதிகாரி சூசன் ஹெய்லி தலைமையிலான குழுவினர் இன்றைய தினம் யாழ்.குடாநாட்டுக்கு விஜயம் மேற்கொண்டு, வலி,வடக்கு மக்கள் தங்கியிருக்கும் முகாமில் மக்களைச் சந்தித்துப் பேசியுள்ளனர்.
இன்றைய தினம் காலை 10 மணிக்கு யாழ்.வந்த மேற்படி குழுவினர் முதன்மையாக வலி,வடககு மீள்குடியேற்ற குழுவினருடன் பேச்சுவார்த்தை நடத்தியதுடன், பின்னர் வலி,வடக்கு மக்கள் தங்கிருக்கும் சுன்னாகம் சபாபதிப்பிள்ளை முகாமிற்குச் சென்று அங்குள்ள மக்களின் நிலை மற்றும் குறைகள், தேவைகள் தொடர்பில், பார்வையிட்டுள்ளதுடன், மக்களை சந்தித்துப் பேச்சுவார்த்தையும் நடத்தியிருக்கின்றனர்.