தேசிய அரசாங்கம் அமைப்பதை ஏற்றுக் கொள்ள முடியாது! உதய கம்மன்பில பொருமல்

ஜனாதிபதி தலைமையிலான சுதந்திரக் கட்சியும், பிரதமர் தலைமையிலான ஐக்கிய தேசியக் கட்சியும் இணைந்து தேசிய அரசாங்கம் அமைப்பதை ஏற்றுக் கொள்ள முடியாது என்று உதய கம்மன்பில தெரிவித்துள்ளார்.
பிவிதுரு ஹெல உறுமயவின் தலைவரும், மேல் மாகாண சபை உறுப்பினருமான உதய கம்மன்பில இது தொடர்பில் மேலும் தெரிவித்துள்ளதாவது,

தேசிய அரசாங்கம் அமைப்பது தொடர்பான பிரேரணை இதற்கு முன்னரும் பல தடவைகள் முன்மொழியப்பட்டிருந்தது. ஆனாலும் இன்று அதனை தூக்கிப் பிடிக்கும் தரப்புகள் அன்று அதற்கு ஆதரவளிக்கவில்லை.

தற்போதைய நிலையில் தேசிய அரசாங்கம் என்பது ஐக்கிய தேசியக் கட்சியை வலுப்படுத்தும் ஒரு நடவடிக்கை மட்டுமே. எதிர்வரும் பொதுத் தேர்தலில் அந்தக் கட்சி வெற்றி பெறுவதற்கு மட்டுமே தேசிய அரசாங்க கொள்கை உதவியாக இருக்கும். எனவே இதனை ஏற்றுக் கொள்ள முடியாது என்றும் உதய கம்மன்பில பொருமியுள்ளார்.