பிரதமராகும் தகுதி எனக்கும் உள்ளது: நிமல்

மஹிந்தவின் ஆட்சி காலத்திலும், தற்போதும் தனக்கு பிரதமராகும் தகுதி உள்ளது என எதிர்கட்சி தலைவர் நிமல் சிறிபால டி சில்வா தெரிவித்துள்ளார்.
சிங்கள தொலைக்காட்சி சேவையின் நிகழ்ச்சியொன்றில் கலந்து கொண்டு கருத்து வெளியிட்ட போதே அவர் இவ்வாறு தெரிவித்துள்ளார்.

புதிதாக அரசியலுக்குள் நுழையும் அனைவரும் தம்மால் சிறந்த தலைமைத்துவத்தை வழங்க முடியும் எனும் எதிர்பார்ப்புடன் வருகின்றபோதிலும் எல்லோருக்கும் அந்த வாய்ப்பு கிடைப்பதில்லை.

மஹிந்தவின் ஆட்சியிலும் சரி, தற்போதைய ஆட்சியிலும் சரி பிரதமராகும் அனைத்து தகுதிகளும் தனக்கு உள்ளது.

அத்துடன் ஒவ்வொரு அரசியல்வாதியும் உயர் நிலைகளை அடைய வேண்டும் எனும் எதிர்பார்ப்புடன் தான் அரசியலில் இருக்கின்றார்கள் எனவும் எதிர்கட்சி தலைவர் நிமல் சிறிபால டி சில்வா சுட்டிக்காட்டியுள்ளார்.