அவுஸ்திரேலிய தடுப்பு முகாம்களில் பாலியல் பலாத்காரங்கள்! விசாரணை செய்யும் அரசு

அவுஸ்திரேலியாவின் தடுப்பு முகாம்களில் பாலியல் பலாத்காரங்கள் நடைபெற்றதாக குற்றச்சாட்டுக்கள் முன்வைக்கப்பட்டுள்ளன.

இந்த குற்றச்சாட்டுக்கள் தொடர்பில் தாங்கள் விசாரித்து வருவதாக அவுஸ்திரேலிய குடிவரவுத்துறை தெரிவித்துள்ளது.

அவ்வகையில் சிறார்கள் மீதான பலாத்காரங்கள் உட்பட நாற்பது சம்பவங்கள் குறித்த விசாரணைகள் முன்னெடுக்கப்படுகின்றன.

இந்த மாதம் வெளியான சுயதீனமான அறிக்கையொன்றிலேயே, தடுப்பு முகாம்களில் சிறார்கள் உட்பட பலர் பாலியல் பலாத்காரங்களுக்கு உள்ளாகியிருப்பது குறித்த பல செய்திகள் வெளியாயின.

புலிடக் கோரிக்கையாளர்களை தடுத்து வைக்கப்பட்டிருக்கும் நவ்ரூ தீவிலுள்ள தடுப்பு முகாம் ஒன்றில், தான் பாலியல் பலாத்காரம் செய்யப்பட்டதாக 16 வயது பெண் ஒருவர் தெரிவித்துள்ளார்.

இதையடுத்து அவர் தற்கொலை செய்துகொள்ளும் நோக்கில் மாடியிலிருந்து கீழே விழுந்த நிலையில், இப்போது மருத்துவமனையில் உள்ளார்.

இதேவேளை தடுப்பு முகாம்களில் உள்ள சிறுவர்களை அங்கிருந்து வெளியேற்ற நடவடிக்கை எடுத்து வருவதாக அவுஸ்திரேலிய அரசாங்கம் தெரிவித்துள்ளது.