கோத்தபாய விரட்டிய முன்னாள் பொலிஸ் ஊடகப் பேச்சாளர் நாடு திரும்பல்

முன்னாள் பாதுகாப்புச் செயலாளர் கோத்தபாய ராஜபக்ச, கொலை அச்சுறுத்தல் விடுத்து இலங்கையில் இருந்து விரட்டிய முன்னாள் பொலிஸ் ஊடகப் பேச்சாளர் பிரசாந்த ஜெயகொடி நாளை நாடு திரும்பவுள்ளதாக தெரியவருகிறது.
பிரசாந்த ஜெயகொடி தற்போது அவுஸ்திரேலியாவின் சிட்னி நகரில் வசித்து வருகின்றார். 2014 ஆம் ஆண்டு ஜனவரி மாதம் அவுஸ்திரேலியாவில் அரசியல் தஞ்சம் கோரி ஜெயகொடி சிட்னியில் இருந்து வருகிறார்.

புதிய அரசாங்கம் பதவியேற்றுள்ள நிலையில், தனது உயிருக்கு ஆபத்து ஏற்படாது என கருதும் அவர் மீண்டும் இலங்கை திரும்ப தீர்மானித்துள்ளார். கொழும்பு திரும்பியதும் கொழும்பு கலதாரி ஹொட்டலில், தான் நாட்டை விட்டு செல்ல காரணமாக அமைந்த விடயங்கள் குறித்து ஊடகங்களுக்கு தகவல் வழங்க உள்ளார்.

இதன் பின்னர், பிரசாந்த ஜெயகொடி மீண்டும் பொலிஸ் திணைக்களத்தில் இணைந்து பணியாற்ற உள்ளதாகவும் தற்போது மந்தகதியில் முன்னெடுக்கப்படும் சில விசாரணைகள் சிரேஷ்ட பொலிஸ் அத்தியட்சகரான அவரிடம் கையளிக்கப்படவிருப்பதாக பொலிஸ் திணைக்கள தகவல்கள் தெரிவிக்கின்றன.