ஜனாதிபதி மைத்திரிபால பாகிஸ்தானுக்கு விஜயம்

சீனாவிற்கான உத்தியோகபூர்வ விஜயத்தை மேற்கொள்வதற்கு முன்னதாக, ஜனாதிபதி மைத்திரிபால சிறிசேன பாகிஸ்தானுக்கு விஜயம் செய்ய உள்ளார்.
ஜனாதிபதி மைத்திரிபால சிறிசேன தனது முதலாவது வெளிநாட்டுப் பயணமாக இந்தியாவிற்கு அண்மையில் விஜயம் செய்திருந்தார்.

இந்த விஜயத்தை தொடர்ந்து ஜனாதிபதி மைத்திரிபால சீனாவிற்கு விஜயம் செய்வார் என அறிவிக்கப்பட்டிருந்தது.

எனினும் அதற்கு முன்னதாக அவர், பாகிஸ்தானுக்கு குறுகிய விஜயமொன்றை மேற்கொள்ள உள்ளதாக பாகிஸ்தான் ஊடகங்கள் தெரிவித்துள்ளன.

இந்த விஜயத்தின் போது பாகிஸ்தானுடன் அணுத் திட்டம் தொடர்பிலான உடன்படிக்கை ஒன்றிலும் கைச்சாத்திட உள்ளதாகத் தெரிவிக்கப்படுகிறது.

எதிர்வரும் மார்ச் மாதம் 31ம் திகதி ஜனாதிபதி மைத்திரிபால சிறிசேன பாகிஸ்தான் விஜயம் செய்ய உள்ளதாகத் தெரிவிக்கப்படுகிறது.

பாகிஸ்தானுக்கான இலங்கை தூதுவர் எயர் வைஸ் மார்ஸல் ஜயலத் வீரக்கொடி தெரிவித்துள்ளார்.